蟹仙海鮮蒸氣鍋 (仁愛街) (已結業)

凍冰冰食蒸氣海鮮，一入鋪頭已經暖笠笠先嚟嘅係粥底，有南瓜，芋頭，粟米同排骨食過有啲粥底火鍋為咗個粥綿啲，會特登壓爛啲南瓜同芋頭，好彩呢度唔會，個人比較鐘意一粒粒嘅南瓜芋頭，食落比較有口感大隻嘅瀨尿蝦真係有手臂咁長本身已經好鐘意食賴尿蝦，因為肉質爽口彈牙，同第二啲海鮮冇得比而且唔係好多地方嘅蒸海鮮會有賴尿蝦食，可能始終嫌搣蝦殼麻煩但係呢度蒸好，又有專人幫你搣，完全係可以繞埋雙手食殘廢餐海鮮拼盤好豪華，有虎蝦，大元貝，鮑魚，蚌，魚柳同蠔肉，見到已經食指大動飲品揀咗熱嘅冬瓜露，唔會太甜溫度暖暖哋，冬天飲好舒服，清新滋潤現代化電子嘅爐具，與竹籮般嘅蓋相映成趣呢個竹蘿蓋嘅設計幾好，啲海鮮唔會有回籠水，又可以保留鮮味虎蝦好大隻，每隻都有成個拳頭咁大，作為頭盤好啱而且店員會幫你放好，唔使自己郁手，較啱時間，timer響就食啲肉好厚好結實，剝咗殼之後會發現成隻蝦好有運動員嘅感覺，咬落需要啲力度，但又唔會韌，勁新鮮！扇貝都好厚肉，中間鎅咗個十字，會容易啲熟，蒸完之後啲綑邊縮埋咗少少，但係仍然要用king-sized嚟形容啖啖肉刷得好乾淨欣賞開餐廳食蒸海鮮嘅頭腦，食緊嘅同時，店員會幫你蒸定下一款海鮮一邊享