蝦蝦燒 (已結業)

喜歡動手搵食嘅朋友，今晚就約了在荃灣眾安街嘅大鴻輝(荃灣)中心內嘅餐廳搵食，雖然內有不同餐廳，但如果要有得大顯身手，當然這裡就係一個絕佳選擇，在流水中活捉肥美生猛大蝦，餐廳地方都十分闊落，入口處就見到燒燒嘅自助櫃，內有不同肉類及食物，飲品汽水啤酒都係自助任飲，可自由選擇，當然這裡不是最重點，還有一個不停補給嘅海鮮吧！內有不同海鮮，如果除了喜歡燒生蝦外，這裡亦是另一亮點！入座後每人亦有一串肥厚白鱔，讓客人自己燒！還有一個熟食吧，在等待燒熟海鮮時可以先在這裡取一點點小食活蝦生猛，跟店員指示先取冰水，活捉生蝦浸在冰水中一會才燒效果更佳！整晚忙過不停，在爐上燒大蝦，下面就燒海鮮，加埋在醬料區自家調配了牛油生蒜，放在大大隻扇貝上、生猛活鮑魚、原隻魷魚筒，真係新鮮彈牙！而其他串燒亦調好味道，放在爐上燒就可以，火候就看你自己控制了🤭，在三小時內一定讓人食得滿足最後不得不提就係要食埋佢嘅窩夫，自己燒脆身再加埋自助喜歡嘅雪糕口味，夾埋一齊食，正！