越棧越式湯粉專門店 (淘大商場) (已結業)

近排食咗好多西餐，日本嘢，中餐，打邊爐，都食到開始有啲悶，今日經過越棧，就諗起佢嘅生牛河，令人回味無窮，就一於入去食啦！照舊叫咗生牛肉河 ,由於下午茶嘅時間, 唔需要等得好耐 ,就已經有得食喇, 湯底有牛骨味，再加上九重塔，洋蔥，蔥粒，鮮甜得嚟又有少少惹味，急不及待已經想616生牛肉，再放入口中，十分之鬆化，又未至於入口即溶 ，牛味十分香濃，湯底唔算有味精，飲落去唔見口渴，佢既河粉係屬於幼身，唔似粗身咁給湯，所以慢慢食都唔會浸到發脹