鴻啤啤串燒 (已結業)

好開心呀，今日終於都搞掂咗我兩個禮拜嘅project la❤️❤️可以好好咁慶祝一下，男朋友知我鍾意食串燒，所以佢都特登為我揀咗一間係用生燒燒法嘅串燒店！就係呢一間鴻啤啤啦😎👍🏻呢間餐廳地方唔算好大，不過亦都非常適合，因為本身生燒都係即叫即整，所以師傅都要即刻燒俾我哋食，所以我哋唔需要等好耐就可以食得到！👍🏻👍🏻而且呢度嘅店員亦都非常好，好親切好Nice咁樣介紹食物！至於食物方面亦都有好多唔同嘅選擇，一般大路嘅菜式都可以試得到！我自己都係偏愛食茄子🍆一般食串燒都係一定會食得到！呢度嘅茄子好唔同，生燒嘅感覺真係唔同啲，呢個茄子唔會燒得太林，依然可以食得到茄子肉嘅質感！而且重點嘅係呢度嘅秘製醬汁真係好好食😋雖然唔知加咗啲乜嘢，不過蒜蓉醬加埋呢度嘅秘製烹調方式，令到成個茄子都好好食！少少辣🔥食得好過癮❤️❤️另外，呢度嘅海鮮亦都好好食，聖子，花蛤都好新鮮，而且冇沙！唔會影響口感，而且依然可以食得到佢哋嘅鮮甜味道！