鴻啤啤串燒 (已結業)

秋天來了，想食啲暖身嘅串燒！餐廳名稱咁可愛，就入左去試吓~東北風味羊肉串東北風味嘅醃料鹹度適中，並冇蓋過羊肉嘅香羶味！燒雞髀菇橫切大塊厚身雞髀菇，食落爆汁加埋孜然粉非常惹味！燒墨魚丸大大粒又彈牙嘅墨魚丸，仲有原粒嘅墨魚仔，口感頗佳。懷舊烤魷魚乾一放上枱香味沒法擋，一絲絲烤乾嘅魷魚絲煙韌又香脆，仲可以配上芥末豉油，別有一番風味。燒鮑魚鮑魚非常新鮮，爽口彈牙，表面堆滿蒜蓉同蔥花，完美帶出鮑魚嘅鮮味，非常入味。錫紙花蛤花甲雖然唔算好大粒，但粒粒真材實料，並無空殼或者打唔開嘅，個湯有香濃牛油蒜茸味。煙肉荔枝卷脆卜卜嘅煙肉包住大粒嘅荔枝，荔枝燒過依然咁多水份，清甜香味同煙肉嘅油脂感互相配合，百試不厭。蒜蓉焗娃娃菜蒜蓉夠曬香，娃娃菜分量亦好足，食咗咁多串燒，食返啲菜平衡返，冇咁油膩。燒菠蘿依個價錢有成條菠蘿，性價比十足！菠蘿香甜多汁，甜品首選。