堅信號上海生煎皇 (愛定商場(H.A.N.D.S) A區) (已結業)

用外賣平台apps叫了外賣，40分鐘送到，原本諗住一定唔好食啦生煎包，點知仍然熱同脆底喎！重勁多汁。。屋企人無預計會咁噴到四圍係🫠🫠🫠好崩潰，但真係好好食，值得推薦。另外柚子梳打，梳打分開另上非常好。叫左套餐，$230左右，豬肉同牛肉都好冧，小朋友都食到，不過就較濃味。雞絲粉皮一般，係日式麻醬，偏甜，唔係好夾。酸辣湯偏酸，唔洗再加調味料，好足料。上海粗炒，話係秘製醬汁，豬扒好入味，份量好大。