萬芳冰室 (已結業)

萬芳冰室嘅生炸脾一早已經聽聞係大隻又好食，可惜一直都苦無機會試。今日睇完戲心血來潮諗住行過去食個炸脾下午茶先！見到餐牌上面嘅菊花茶寫住係自製嘅，咁今日食咁熱氣嘅炸脾就梗係要叫番枝試下啦！菊花茶係用枝裝汽水樽裝嘅，都幾特別wor！味道真你係似屋企煲嘅菊花茶。另外叫左沙丹豬扒飯，有豬扒、煎蛋同埋菠蘿，食豬扒飯加塊菠蘿又真係幾特別！豬扒大大塊，蛋係太陽蛋，豬扒唔會"un"，唔錯啊！今日嘅另一主角之一生炸脾，隻脾大過隻手，加埋薯條真係超級熱氣之選。雞脾炸到脆卜卜，入面都仲係好嫰，果然係正野，所以下午茶時間都仲要排隊！ 雖然食完會好熱氣，但係值得嘅！