影片
更多
2025-07-27
427 浏览
🐷📌 #豬西食九龍 #豬西食旺角.達摩堂以日系達摩主題裝修見稱，氛圍感滿滿。今次試嘅達摩二人前定食選擇多而精緻，每款菜式都有認真心思，用料同味道都算有水準，食落唔會單調。如果有朋友仔生日嘅話就更加啱啦，因為呢間餐廳仲提供驚喜生日禮盒、免費生日寫字！！ .🐷醬汁螢光魷魚螢光魷魚本身彈牙，唔腥，加上自家製醬汁帶微甜醬油香，帶出魷魚鮮味！.🐷芥末左口魚邊左口魚邊脂肪豐富，有魚油香，切條處理，口感滑嫩唔嚡口。配上新鮮芥末，帶微微刺激感，提升咗鮮味層次。魚肉新鮮，冇腥味～.🐷沖繩豚肉餃子餃子皮薄微脆，啲餡用上沖繩豚肉，油脂均勻，一咬落肉汁流晒出嚟。味道偏濃郁，不過伴埋酸甜醬汁，整體唔會膩。.🐷Prime安格斯西冷肉西冷牛肉厚切，只要控制得好嘅話，就可以做到外層微焦，內裡多汁。牛味濃，油花分布靚，唔會過腍，而且係用鹽板來燒，唔使額外嘅調味已經好好食，如果大家驚太鹹嘅話就唔好燒太耐啦～.🐷珍寶吉列廣島蠔配稻庭烏冬鰹魚昆布湯蠔炸得金黃酥脆，內裡保持鮮嫩多汁，蠔味突出唔腥。吉列衣薄身夠脆，每啖都食到蠔本身嘅鮮味。配埋稻庭烏冬，麵條煙韌彈牙，鰹魚昆布湯底清香唔油膩，飲落好清新解膩。.🐷芝士吉列豬扒 配稻庭
.
達摩堂以日系達摩主題裝修見稱，氛圍感滿滿。今次試嘅達摩二人前定食選擇多而精緻，每款菜式都有認真心思，用料同味道都算有水準，食落唔會單調。
如果有朋友仔生日嘅話就更加啱啦，因為呢間餐廳仲提供驚喜生日禮盒、免費生日寫字！！
.
🐷醬汁螢光魷魚
螢光魷魚本身彈牙，唔腥，加上自家製醬汁帶微甜醬油香，帶出魷魚鮮味！
.
🐷芥末左口魚邊
左口魚邊脂肪豐富，有魚油香，切條處理，口感滑嫩唔嚡口。配上新鮮芥末，帶微微刺激感，提升咗鮮味層次。魚肉新鮮，冇腥味～
.
🐷沖繩豚肉餃子
餃子皮薄微脆，啲餡用上沖繩豚肉，油脂均勻，一咬落肉汁流晒出嚟。味道偏濃郁，不過伴埋酸甜醬汁，整體唔會膩。
.
🐷Prime安格斯西冷肉
西冷牛肉厚切，只要控制得好嘅話，就可以做到外層微焦，內裡多汁。牛味濃，油花分布靚，唔會過腍，而且係用鹽板來燒，唔使額外嘅調味已經好好食，如果大家驚太鹹嘅話就唔好燒太耐啦～
.
🐷珍寶吉列廣島蠔配稻庭烏冬鰹魚昆布湯
蠔炸得金黃酥脆，內裡保持鮮嫩多汁，蠔味突出唔腥。吉列衣薄身夠脆，每啖都食到蠔本身嘅鮮味。配埋稻庭烏冬，麵條煙韌彈牙，鰹魚昆布湯底清香唔油膩，飲落好清新解膩。
.
🐷芝士吉列豬扒 配稻庭烏冬鰹魚昆布湯
豬扒外層炸得香脆但唔油，切開仲有流心芝士，肉質唔乾身之餘帶淡淡芝士鹹香。
.
🐷北海道草莓抹茶朱古力蛋糕
抹茶香濃，夾層有北海道奶油味滑唔甜膩，草莓新鮮多汁同微酸，蛋糕嘅本體係香濃嘅朱古力味，甜品控真係會滿足。
重點係大家可以提早預訂，可以喺上面寫上生日嘅壽星名字，送上滿滿的生日祝福，係全港首創嘅日式生日祝福寫字服務！提早預訂，就可以送上驚喜啦！！
.
🐷淡雪の莓
呢杯飲品賣相高分，入口莓味鮮明，淡淡乳香，酸甜開胃，消暑又解膩。飯後收尾飲返一杯幾舒服。
.
達摩堂
📍旺角彌敦道726號17樓
.
#吃貨日常 #香港 #日本菜 #定食 #壽司 #天婦羅 #甜品 #九龍 #旺角 #旺角美食 #hkfoodie #foodiehk #旺角好去處 #旺角美食
张贴
