美滋鍋 (家樂坊)

营业中

休息中

同朋友第一次嚟呢度慶祝我生日，喺門口就已經有一隻好大好靚嘅粉紅色bear bear熊恭候光臨，睇到都好開心，入面環境亦佈置得好女仔，全部粉紅色。食材方面好新鮮，海鮮同肉類都唔錯，有個牛拼盤而家做緊大優惠，如果原價就…… 另外湯底都有好多選擇，我哋揀咗4格鍋，膠原蛋白鍋同雪耳椰子鍋超好味，藥膳醉雞鍋都唔錯，另一款菇類就麻麻哋。侍應叫我哋先飲湯後滾食物，果然唔錯，4格湯都好好飲。價錢雖然算貴，但湯底、食材同環境，服務質素，都比其他同價錢嘅店舖更勝一籌。仲有柚子沙冰做甜品，食完熱氣嘢，有沙冰涼一涼舒服。呢間值得推介，會再去嘅火鍋店。