Nathanhouse (已結業)

十四人分兩枱食生日晚飯，先來一轉生蠔，海水味重些少，好有鮮味，六隻以上六折。Tasting menu幾有心思，先來海膽牡丹蝦，海膽ok。第二道係藍鰭呑拿魚牛油果山葵雪糕，呢個好正，呑拿魚新鮮甜，其實唔係雪糕，好似雪葩咁，Wasabi味道一流呀！跟住係海鮮清湯配北海道帆立貝，喺你面前用個小壺倒湯落個有一隻帆立貝既碗，湯有點濃味又保持到清甜。第四道係蜆扁意粉，軟硬適中蜆味唔錯。主菜我揀牛medium rare都唔錯，甜品係雜莓配黑加侖子雪葩，雪葩略甜。整體份量適中，味道有4星。