影片
更多
2019-07-05
32 浏览
生日當日男朋友帶我去左新蒲崗試左一間隱世既食肆-蟹仙海鮮蒸氣鍋，係門口就會見到佢地唔同既套餐，但係入到去靚女姐姐先介紹佢地既海鮮主打由外地新鮮運到黎香港，即劏即食既時令海鮮。我地就揀左個情人套餐，一次過可以試齊18款唔同既海鮮、肉類同埋甜品，一向中意食海鮮既我，見到第一碟海鮮併盤既時候已經被深深吸引，分別有翡翠九孔鮑魚、越南海虎蝦、北韓野生游蚌、日本大元貝或者蟶子兩款我地各揀左一件、韓國慶南蠔或紐西蘭青口兩款本來都想各叫一件試下，最後黎左兩件韓國慶南蠔、野生花尾龍躉片。最為推介既係鮮甜既韓國慶南蠔、蟶子同埋北韓野生游蚌。之後上枱既海鮮仲有澳洲青年龍蝦、野生瀨尿蝦皇、越南頂角膏蟹或菲律賓大黃奄可選一隻，人多既話仲可以有唔同配搭，一次過試哂咁多款；我同男朋友試齊兩款蟹，越南頂角膏蟹當日有小小失準，但啲蟹膏好鮮甜好濃味；菲律賓大黃奄既蟹膏就比較甘甜、肉質爽嫩；值得一讚既係野生瀨尿蝦皇，三個字形容既話係爽、甜、正！蒸氣鍋全程都有靚女姐姐幫手計時同埋蒸野食，我地全程只需要負責食，食緊蟹既時候，佢地就蒸肉類同丸類，唔好以為係普通貨色，當中有安格斯牛、黑毛豬、蟲草花雞件、芝心小籠包、星爺爆漿瀨尿牛丸
我地就揀左個情人套餐，一次過可以試齊18款唔同既海鮮、肉類同埋甜品，一向中意食海鮮既我，見到第一碟海鮮併盤既時候已經被深深吸引，分別有翡翠九孔鮑魚、越南海虎蝦、北韓野生游蚌、日本大元貝或者蟶子兩款我地各揀左一件、韓國慶南蠔或紐西蘭青口兩款本來都想各叫一件試下，最後黎左兩件韓國慶南蠔、野生花尾龍躉片。最為推介既係鮮甜既韓國慶南蠔、蟶子同埋北韓野生游蚌。
之後上枱既海鮮仲有澳洲青年龍蝦、野生瀨尿蝦皇、越南頂角膏蟹或菲律賓大黃奄可選一隻，人多既話仲可以有唔同配搭，一次過試哂咁多款；我同男朋友試齊兩款蟹，越南頂角膏蟹當日有小小失準，但啲蟹膏好鮮甜好濃味；菲律賓大黃奄既蟹膏就比較甘甜、肉質爽嫩；值得一讚既係野生瀨尿蝦皇，三個字形容既話係爽、甜、正！
蒸氣鍋全程都有靚女姐姐幫手計時同埋蒸野食，我地全程只需要負責食，食緊蟹既時候，佢地就蒸肉類同丸類，唔好以為係普通貨色，當中有安格斯牛、黑毛豬、蟲草花雞件、芝心小籠包、星爺爆漿瀨尿牛丸、蟹仙蝦蟹棗同埋墨汁墨魚丸，全部都唔係出面周圍都食到既款式，好特別。
食完肉仲有蔬菜，中和番食左咁多似既口腔，食完蔬菜仲可以食埋吸收哂海鮮精華既粥底，雖然個粥底未有預期中咁鮮甜，但都好好味。如果覺得太飽食唔哂既話，仲可以叫靚女姐姐幫你打包帶走。一餐完美既生日飯又點會少得甜品呢，當日就有木瓜燉官燕，好適合貪靚既女士們食架。
總括黎講食物質素好有保證，個個職員都好細心同埋友善、座位方面亦比較鬆動，人多既話可以早啲打電話預約廂房，下次有機會的話一定要試埋佢地既龍蝦刺身同埋象拔蚌刺身，值得推介既隱世小店。
张贴
