王家沙 (已結業)

慶祝爸爸生日飯～家人寧願近近地在家附近吃晚飯，而爸爸又獨愛中菜，於是帶他來試王家沙。老實說3個人叫了1個蟹餐及6碟菜，確實太多。蟹餐已包一雙5兩蟹、時蔬、小籠包2隻、湯圓、湯品、擔擔麵。只係198蚊就有呢6樣野，好抵食，蟹膏仲超多超粉！ 細麵就係蟹餐包的，左邊是前菜燻魚。所選的湯品。話梅骨是主力推介，必試。一般人好難煮到呢隻味。瑤柱賽磅蟹其實是炒蛋白，媽媽最不喜歡，覺得不值。紅油抄手竟然沒有蝦…京蔥爆牛肉配薄餅是不錯的，但餅皮得4塊，永遠包唔晒～仲有其他野食唔記得影，總括來說很合老人家口味！