酒鍋 (V Point) (已結業)

今個月壽星想打邊爐食生日飯，所以我哋揀咗環境同埋口碑都唔錯嘅酒鍋。黃金炸魚皮，包左咸蛋黃炸，超級脆又好食。我地每人仲叫咗個加拿大海膽杯，海膽好新鮮，完全唔腥。湯底我哋揀咗雲騰菊花台，賣相真的非常靚，上面有蛋白和食用花，好夢幻，打卡最正。湯底一共有五個不同口味，可以滿足左唔同人嘅需要，有辣有唔辣，我個人就鐘意四川麻辣和中間的鮑魚雞予。有樣唔好係影完相之後d蛋白多到食唔哂，要打邊爐就要整走佢地，有點浪費，真係試一次就夠。頂級安格斯牛小排，雪花幾靚亦有牛味，但始終比不上手切肥牛。日本頂級黑毛豬腩肉，肉質很好，肉味十足。黑松露蝦蟹餃，好夠黑松露味，口感亦不錯。海鮮拼盤的聖子超大，味道鮮甜，夠新鮮。蔬菜拼盤、三色手工麵等等都質素很好，雖然價錢唔平，但係一班人食得開心又舒服。