影片
更多
2016-08-27
8770 浏览
這餐第四回生日飯係我好姊妹J小姐跟我慶祝的自助餐，20多年嘅友誼要維繫真的不簡單，我相信真係朋友的話，經歷任何風雨，我哋嘅心還是有對方的。這天J小姐跟我到九龍珀麗酒店協奏坊食自助晚餐慶祝我牛一，原來而家協奏坊星期一至日都做均一價$288已包含加一(五天前預訂用OR Coupon) 真係抵到冇朋友呀，不過因為天熱嘅關係餐廳就停止供應我喜歡吃的生蠔，我係有少少失望囉！不過除咗生蠔外還有不少嘅新鮮海鮮供應呢!!有凍蟹，青口，海蝦，龍蝦鉗，雪場蟹腳同埋魷魚，都好鬼C豐富啫。而前菜方小食方面款式亦都很精緻好吃喔！日式麻醬櫻花蝦冷烏冬，三文魚蟹肉芝士撻，還有日式燒茄子同埋意式蕃茄醬多士。沙律區須然比以往少咗選擇，但食材全部都係新鮮嫩口。刺身方面有三文魚，希靈魚同八爪魚，看到魚生亮麗光彩新鮮度應該不俗。呢一幅壽司牆認真震撼，排列得井井有條的壽司外型就好煞食喇，不知味道如何呢！新鮮嘅麵包用嚟配湯飲用最啱不過，今日係西湯係甘筍湯，中湯冇試到所以忘記了是什麼湯來了hehe~熱葷方面有星加坡海鮮喇沙,醬燒豬肋骨，印度紅咖哩牛腩。連煎腸粉都有夠曬特別呢，仲有健康嘅清炒時蔬。意式肉醬焗芝士薯蓉，海鮮意大利飯。還
這天J小姐跟我到九龍珀麗酒店協奏坊食自助晚餐慶祝我牛一，原來而家協奏坊星期一至日都做均一價$288已包含加一(五天前預訂用OR Coupon) 真係抵到冇朋友呀，不過因為天熱嘅關係餐廳就停止供應我喜歡吃的生蠔，我係有少少失望囉！不過除咗生蠔外還有不少嘅新鮮海鮮供應呢!!
有凍蟹，青口，海蝦，龍蝦鉗，雪場蟹腳同埋魷魚，都好鬼C豐富啫。
而前菜方小食方面款式亦都很精緻好吃喔！
日式麻醬櫻花蝦冷烏冬，三文魚蟹肉芝士撻，還有日式燒茄子同埋意式蕃茄醬多士。
沙律區須然比以往少咗選擇，但食材全部都係新鮮嫩口。
刺身方面有三文魚，希靈魚同八爪魚，看到魚生亮麗光彩新鮮度應該不俗。
呢一幅壽司牆認真震撼，排列得井井有條的壽司外型就好煞食喇，不知味道如何呢！
新鮮嘅麵包用嚟配湯飲用最啱不過，今日係西湯係甘筍湯，中湯冇試到所以忘記了是什麼湯來了hehe~
熱葷方面有星加坡海鮮喇沙,醬燒豬肋骨，印度紅咖哩牛腩。
連煎腸粉都有夠曬特別呢，仲有健康嘅清炒時蔬。
意式肉醬焗芝士薯蓉，海鮮意大利飯。
還有熱烘烘炸得香口的咖哩薯餅和吉烈大蝦，仲有惹味的印度天多利烤雞和魚柳。
即煮嘅意大利粉檯還在，可選意大利煙肉，蘑菇，紅洋蔥，蒜蓉，巴馬臣芝士，黑松露醬同埋羅勒。
終於到甜品方喇，先有自助班戟機，只需要禁一下制就有熱辣辣整好嘅小班戟跌出嚟，配合自己嘅小宇宙可以用藍莓。朱古力，士多啤梨或者焦糖汁，設計一份獨一無二嘅甜品！
而呢個甜品架中有朱古力糯米糍， 紫薯泡芙，奶油脆筒，朱古力蛋糕，芝麻卷同埋焦糖燉蛋，質素相當不錯架！尤其係紫薯泡芙同埋朱古力糯米糍，大家千祈唔好錯過呀(^_-)
而呢度嘅招牌甜品燕窩燉奶，亦都係出色之作，味道香滑而不過甜，每次吃都十分滿足愜意。
另外仲有涼粉，芒果布甸，楊之枝甘露等甜品可供選擇 ，當然唔少得新鮮嘅生果啦，一見到菠蘿我又心心眼了^_^，最開心嘅呢度用Movenpick嘅雪糕，雖然得只三款口味但已足夠令我滿足了！
一路食一路聽到憐桌的麻甩佬念念碎話冇嘢飲，其實係有自助嘅咖啡機同埋檸檬茶水供應㗎！
如果想飲果汁汽水或者酒類亦都可以加錢自己點叫的！！
介紹完畢開餐係時候，例牌先來一碟沙律前菜，沙律菜都夠新鮮，配油醋嚟食最清新好吃。
呢個意大利蕃茄醬多士做得好鬆脆，番茄醬亦都酸香好吃，加埋芝士那就無敵啦。
呢個造型可愛嘅龍蝦慕絲蟹子脆筒，入口味道充滿邪惡的沙律醬 ,脆筒亦都卜卜脆，玩味十足很過癮又。
吃罷前菜後很足便投入海鮮懷抱喇！
先試咗呢個毛蟹，膏雖然冇麵包蟹那麼澎湃同甘香，但都係一樣充滿邪惡力量啊！
雪場蟹腳鮮甜唔會過鹹，海蝦亦都札實彈牙豐鮮味，而龍蝦鉗則啖啖肉，真的大滿足呀*^O^*
日式茄子吃下軟滑可口，協奏坊嘅壽司從來都有質素，飯團粒粒分明不易鬆散，加埋鮮甜嘅刺身真的很不錯。
刺身要咗希靈魚同三文魚，三文魚，刺身色澤亮麗吃下亦都係軟滑鮮味， 唔知有冇人同車媽媽一樣喜歡食希靈魚呢？好鍾意佢脆卜卜嘅口感，味道帶輕輕酸味好得人鍾意。
雖然因為衛生嘅理由唔供應生蠔 ，但係餐廳亦都因此每位奉送一隻龍蝦作補償，質素重十分好呢爆膏之餘肉質仲好爽甜。
那個意大利蕃茄多士實在太好味最後要Encore一件，配埋甘筍忌廉湯一齊品嚐感覺實在太幸福了，再整多個清爽麻醬櫻花蝦冷麵，同埋香口惹味嘅印度烤雞都已經飽咗 一大半了(>﹏<)
不過有我最愛嘅Carbonara唯有攞最細嗰碟吃啦，濃香的巴馬臣芝士真的好誘人喔！！
多飽也要食甜品是常識吧！雖然好飽唯有選心目中最最最最想食嗰幾款啦，當然要有雪糕啦！其餘選了紫薯泡芙，朱古力糯米糍和燕窩燉奶。
紫色控的車媽媽見到紫薯泡芙那會放過它呢！確實除左樣靚之外身材都好正，即係好好味咁解囉。
最後耍多謝好姊妹J小姐嘅祝福，仲有佢囡囡即係我契女嘅生日禮物^
张贴
