影片
更多
2017-10-20
212 浏览
生日飯指定動作食放題日式放題第一轉梗係叫刺身壽司前菜先，前菜採用自助形式，啱哂我哩啲餓底先安撫下個胃。有普通嘅螺肉八瓜魚中華沙律，有自選醬汁沙律吧，有超多選擇飲品櫃，當然仲有雪糕櫃等等。咁多嘢食，其他都普普通通，不過我要推介嘅係凍蝦！蝦肉彈牙，唔會一陣雪味，仲有啲鮮甜。刺身凍咗少少同有啲雪味，魚刺身方面覺得不夠肥美，鮑片/螺片/八爪魚/帶子等都唔錯。有頭蝦同無頭蝦甜味比平時外面食開細細條嘅低一個甜度，但口感就梗係大條正啦，個人覺得無頭嗰款比較甜啲。壽司响好多放題都會求奇過刺身，哩間有驚喜，多款壽司都非常精美，又唔會太大舊，放題嚟講好好食。諗住食海膽手卷仔麵回本就奉勸不要了，羊架要推介，唔會太熟實的的乾爭爭，又唔會太多鬆肉粉軟林林，羊味香濃，口感非常滿意。有個花膠冬菇都唔錯，有少量菜鋪底，略嚴汁多咗啲，生粉太多杰撻撻，食得多會咸。仲有個比目魚，魚油豐富，外皮煎得香脆。天婦羅淨係食咗蝦，熱辣辣不過粉漿好硬。唔記得咩蝦夫人，似蝦多士，麵包索哂啲酒，打咗個冷震。要大讚，上菜超快，寫一件就上一件，唔會亂塞無點嘅食物比客人。飲品雪糕超多選擇，直頭都試唔哂。時間仲要有三小時，非常充足。走廊寬樓底高，
日式放題第一轉梗係叫刺身壽司前菜先，前菜採用自助形式，啱哂我哩啲餓底先安撫下個胃。
有普通嘅螺肉八瓜魚中華沙律，有自選醬汁沙律吧，有超多選擇飲品櫃，當然仲有雪糕櫃等等。咁多嘢食，其他都普普通通，不過我要推介嘅係凍蝦！蝦肉彈牙，唔會一陣雪味，仲有啲鮮甜。
刺身凍咗少少同有啲雪味，魚刺身方面覺得不夠肥美，鮑片/螺片/八爪魚/帶子等都唔錯。有頭蝦同無頭蝦甜味比平時外面食開細細條嘅低一個甜度，但口感就梗係大條正啦，個人覺得無頭嗰款比較甜啲。
壽司响好多放題都會求奇過刺身，哩間有驚喜，多款壽司都非常精美，又唔會太大舊，放題嚟講好好食。諗住食海膽手卷仔麵回本就奉勸不要了，
羊架要推介，唔會太熟實的的乾爭爭，又唔會太多鬆肉粉軟林林，羊味香濃，口感非常滿意。有個花膠冬菇都唔錯，有少量菜鋪底，略嚴汁多咗啲，生粉太多杰撻撻，食得多會咸。仲有個比目魚，魚油豐富，外皮煎得香脆。
天婦羅淨係食咗蝦，熱辣辣不過粉漿好硬。唔記得咩蝦夫人，似蝦多士，麵包索哂啲酒，打咗個冷震。
要大讚，上菜超快，寫一件就上一件，唔會亂塞無點嘅食物比客人。飲品雪糕超多選擇，直頭都試唔哂。時間仲要有三小時，非常充足。走廊寬樓底高，唔會碰撞難於出入仲無咁嘈。食過咁多間，我諗我會推介哩間。
张贴
