諾亞半熟蛋糕專門店 (已結業)

由於臨近女朋友生日，距又唔想食各大餅店的蛋糕，食到厭曬，咁岩翻工附近俾我發現左呢間餅店，價錢又唔貴，就試下。第一印象係店位好似好細咁，不過服務十分體貼，店員勁有禮貌，會問你大概幾時食預定乾冰，大出所料👍🏻講下個蛋糕先，叫左個朱古力半熟蛋糕（$78），size大概有一隻成人手掌咁大，開盒果時賣相同普通蛋糕好似無咩分別，但聞落好香朱古力味同蛋漿面粉果種香味。切落去就知咩叫半熟，中間係有少少朱古力芝士流心，好似心太軟咁，食落好重朱古力味但唔會膩同太甜，又無左朱古力果陣苦澀味，果個口感係綿綿地同好易入口，但美中不足係芝士味無咩，可能係俾朱古力味蓋左🤒我仲買左女朋友最中意飲的𣲙凍荔枝果汁，入面無果肉但荔枝味好香濃，唔係加糖水果種的味道，好解渴同幾清甜，仲有22蚊送個幾靚的瓶，屋企都岩用😂不過整體都出眾，好味過其他蛋糕店，係2至3人的慶祝生日之選，始終無大蛋糕，同性價比高，最重要係女朋友中意👍🏿一定會再有下次。