聆渢咖啡廳

营业中

休息中

男朋友生日，就黎join左兩日一夜既生日package，包自助晚餐同satay inn 既泰式lunch。呢度既自助晚餐價錢唔平，不過放心，質素完全唔會令人失望。如果問我成餐dinner主角係咩，我一定會答你係長腳蟹，呢度既長腳蟹又漲又多肉，而且好新鮮又夠蟹味，餐廳仲預備左量濕紙巾俾你抹手，另外蟹係長期滿，refill得好快，又keep到凍。另外，呢到buffet既pancake都令我印象深刻，好鬆軟，好香蛋白味，而且好多flavour 同topping俾我地簡，最重要係即叫即整既！除左室內既野食，黃金海岸嘅buffet仲有燒烤區係戶外嘅，出邊有好多嘢食架，有即叫即燒嘅乳豬，羊架啦，帶子啦，同埋即叫即整嘅泰式沙律，同埋泰式炒飯等等，除咗可以俾我哋觀賞廚師煮嘢食嘅認真，而且啲嘢食都好好食，簡直係一舉兩得。整體來講呢個buffet嘅嘢食可以話係應有盡有，除咗最基本嘅中式同埋西式之外，佢仲有印度啦，泰式啦，日式啦，同埋有好多甜品，另外值得一讚嘅係所有工作人員嘅禮貌同埋服務態度都非常之好。