帝景軒 (已結業)

帝景酒店位於汀九橋底，其實我每次返屋企都會經過，但一直冇幫襯過。今次適逢男朋友生日，就諗住book枱，試下佢既自助餐！原來逢星期三係有特別優惠的，訂枱時職員好詳細地講解，之後仲有whatsapp同電話follow up, 非常熱心。晚市自助餐由6:30-9:30pm, 我地遲左放工，搭酒店嘅免費Shuttle Bus，8點前去到。入到去職員迅速地安排座位，然後我地就即時出動去拎嘢食！首先拎左刺身，都係三文魚、吞拿魚、鮑片之類。三文魚OK, 但其他比較一般，我地拎左一round就算了。反而男朋友話煙三文魚好味！之後我地拎其他海鮮，蟹腳係主角，仲有青口同蝦。蟹腳啖啖肉，又夠鮮味，我哋前前後後都拎左幾碟，最後全部食哂。特別一提，好多謝男朋友幫我將所有蟹腳拆肉，令我覺得自己被寵得像公主<3今次自助餐嘅主題係黑松露，所以每位客人都會送半邊黑松露芝士焗龍蝦。味道都唔錯啊！熟食方面，比較突出既係燒牛脷，同炸三文魚，一向都係我中意食既野。芝士焗蠔好細粒，好似蠔豉，有點兒失色。仲有d特別嘅食物，例如用中式手法烹調嘅炒黑毛豬粒，我哋就唔太識欣賞了！食到最後大約9點，佢都冇再refill了，我地快快