影片
更多
2016-03-29
3695 浏览
今日有朋友生日諗左好耐食咩好，你知生日要好多餐生日飯要食架嘛~ 所以朋友想食d比較唔太油膩既菜色。想少油又唔想口寡寡？更係食壽司啦！所以就帶左朋友呢燈籠街呢間日本野。勝八係同一棟大廈有兩間，10樓既係鐵板燒，而11樓既係居酒屋，大家千祈唔好搞錯呀！我地就揀左自選壽司定食套餐，包左前菜沙律、腌蘿蔔、7件壽司、3件小卷物、一碗清湯烏冬同埋我最中意既甜品糯米池 首先沙律菜非常新鮮，認識我既朋友都知道我非常中意食新鮮既沙律菜，但係係香港既餐廳唔係間間都新鮮，勝八既都選合格啦 菜同番茄都算新鮮之餘，亦唔會好似出面d餐廳放太多醬汁，唔錯 前菜仲有另一款蘿蔔、雖然個人都幾中意食蘿蔔，不過呢個味道我認爲腌得唔夠入味， 仲要咬落去係室溫，不冷不熱，有d難界定究竟係冷食前菜定係熱吃前菜。壽司方面我就揀左三文魚、吞拿魚腩、牡丹蝦、帶子、海膽、鰻魚同玉子，另外既小卷物係香葱吞拿魚腩卷。首先魚生普遍都好新鮮，個人認爲吞拿魚腩最令我喜出望外，我覺得以$120 lunch set 黎講呢款吞拿魚腩算係超水準，一咬落去可以感受到魚生既油質好重，而且味道濃鬱，質地厚身之餘仲保留口感，非常好味。 而另外兩款我比
我地就揀左自選壽司定食套餐，包左前菜沙律、腌蘿蔔、7件壽司、3件小卷物、一碗清湯烏冬同埋我最中意既甜品糯米池
首先沙律菜非常新鮮，認識我既朋友都知道我非常中意食新鮮既沙律菜，但係係香港既餐廳唔係間間都新鮮，勝八既都選合格啦 菜同番茄都算新鮮之餘，亦唔會好似出面d餐廳放太多醬汁，唔錯
前菜仲有另一款蘿蔔、雖然個人都幾中意食蘿蔔，不過呢個味道我認爲腌得唔夠入味， 仲要咬落去係室溫，不冷不熱，有d難界定究竟係冷食前菜定係熱吃前菜。
壽司方面我就揀左三文魚、吞拿魚腩、牡丹蝦、帶子、海膽、鰻魚同玉子，另外既小卷物係香葱吞拿魚腩卷。首先魚生普遍都好新鮮，個人認爲吞拿魚腩最令我喜出望外，我覺得以$120 lunch set 黎講呢款吞拿魚腩算係超水準，一咬落去可以感受到魚生既油質好重，而且味道濃鬱，質地厚身之餘仲保留口感，非常好味。 而另外兩款我比較喜愛既係牡丹蝦同海膽，牡丹蝦非常新鮮，咬落去爽口彈牙同非常清甜，而且都算幾大隻添！海膽雖然唔算係頂級海膽既味道，不過無咩海腥味已經算唔錯
雖然呢款小卷物係側邊唔太起眼，不過其實佢用既吞拿魚楠品質真心唔錯，而且飯同魚生比例均匀，咬落去唔會淨係食到飯味，而係恰到好處既小捲物。
食完壽司其實已經有大半分飽，不過呢個套餐仲有一碗清湯烏冬（所以你話係咪好抵食呢？!），分量絕不戲場。面頭有冬菇、大白菜同少少金菇，湯底味道清甜，而且烏冬都幾有咬口，唔錯
到最後仲有我最愛既芋頭糯米池呀！食完清淡既午餐，梗係要攝取一d甜野滿足下第二個胃啦！
整體黎講勝八既lunch set絕對係附近返工既朋友好好既選擇，位於燈籠街非常方便之餘價錢仲非常相宜。真心推介比大家 张贴
