影片
更多
2010-01-15
1 浏览
睇左Openrice幾年，萬豪是我頭幾位想試的自助餐廳之一，踏入2010年，就趁一月份是我的生日，就去食不停啦。先講少少前話，有關訂位， 服務:問接線生，問清楚平日和假日的價錢/食物之分別，職員回應平日價錢平少少，但食物分別不大，那就Book平日吧，14號有位，就成事了，13號收到電話confirm訂位，感覺有交帶。稍後會有後話。5:50PM可以入座，坐低好快就有服務員招呼，枱頭有2個靚靚藍色水杯，要左熱水，服務員換來是耳仔杯碟加一壺熱水，也不錯。環境:環視四周，枱與枱之間頗迫，相信座無虛席後，座位未能算得上舒適，我們的2人枱，也有少少茶餐廳迫枱FEEL。擺食物的Counter，只是細細的一小圈，重質不重量的我，唔太介意。食物:海鮮類:海蝦(爽口)花螺(甜味)翡翠螺(大隻爽脆)蟹腳(唔好味)龍蝦，好似有2款，波士頓(較大，肉身較霉散)，唔太肯定是本地或西澳龍(較小和實用)，本身好喜歡食龍蝦，但完全食唔到鮮甜味。生蠔食左一隻，幾腥，後來想再比機會佢，但已太飽，食唔落。屋企人就話較咸，但又唔太似淨係海水味。海鮮整體合格的，款式多選擇。熱盤:海南雞(肥瘦適中)花膠(不是平價花膠，但較大件的會
服務:
問接線生，問清楚平日和假日的價錢/食物之分別，職員回應平日價錢平少少，但食物分別不大，那就Book平日吧，14號有位，就成事了，13號收到電話confirm訂位，感覺有交帶。稍後會有後話。
5:50PM可以入座，坐低好快就有服務員招呼，枱頭有2個靚靚藍色水杯，要左熱水，服務員換來是耳仔杯碟加一壺熱水，也不錯。
環境:
環視四周，枱與枱之間頗迫，相信座無虛席後，座位未能算得上舒適，我們的2人枱，也有少少茶餐廳迫枱FEEL。
擺食物的Counter，只是細細的一小圈，重質不重量的我，唔太介意。
食物:
海鮮類:
海蝦(爽口)
花螺(甜味)
翡翠螺(大隻爽脆)
蟹腳(唔好味)
龍蝦，好似有2款，波士頓(較大，肉身較霉散)，唔太肯定是本地或西澳龍(較小和實用)，本身好喜歡食龍蝦，但完全食唔到鮮甜味。
生蠔食左一隻，幾腥，後來想再比機會佢，但已太飽，食唔落。屋企人就話較咸，但又唔太似淨係海水味。
海鮮整體合格的，款式多選擇。
熱盤:
海南雞(肥瘦適中)
花膠(不是平價花膠，但較大件的會不夠淋，亦唔算入味，回本菜之一)
芝士蝦仁(蝦仁大且爽脆，芝士味欠奉)
咖喱蟹(蟹身實肉，但煮法是胡椒)
焗蟹蓋(釀豬肉，冇蟹肉)
咖喱魚(個汁辣，香口，正)
刺身:
三文魚/鳥背/赤背/北寄背/油甘魚，刺身是切好放係雪櫃，客人點，師父就放係隻碟仔內，我要左三款，全放左一個小小的碟仔內，感覺好冇格調，再講刺身的味道，真是一般回轉壽司店本質素，唔駛逐一講。
甜品:
選了幾款，低糖芝士餅，特濃芝士餅(正)，Tiramisu(淨係得超甜味)，蛋白梳乎厘(清清地，好味)
生果:
西瓜/哈蜜瓜/蜜瓜/菠蘿，比我感覺好唔新鮮，尤其西瓜，有一舊似切好左，放係雪櫃好耐咁。
講一講後話，去之前最期待的食物加菲蟹和帶子，竟然唔見影，龍蝦亦唔見得好味，真係有一絲絲失望。一路食一路諗好多野，五六日食物會否多D款呢?如果係，我係唔介意比多一百幾十，但侍應早前回應分別不大，我就冇特意去選擇五六日。算啦，就不再去想呢個問題了，又想起半島今佐的食物，去完會有再想去的衝動。
總結:
期望愈大，失望愈大。
第一次黎，但我又唔會特別黎第二次，亦唔會帶屋企老幼來。
食物算是影相好睇，但唔好食。
要我推薦呢餐有咩食物較特出，我會答冇。一定要選的話，我會選花膠。
想食龍蝦海鮮的鮮味，都係去返流浮山/三聖/西貢，會較滿足。
服務算是不錯的，送上的生日蛋糕，電話中要求寫上名字，字寫得很好，蛋糕味道不錯，款式也很靚。
食物方面，不可單用海鮮作招徠，其他食物質素都要多花點功夫，誠意不足。
埋單正價$400/位，HSBC白金咭有8折，有coupon加送生日蛋糕一個。折實$720。
商量左好耐，屋企人比喊臉，但我望向四周，食客取龍蝦影相，臉上都有滿意的表情，手鬆的我還是會比OK的。
张贴
