影片
更多
2009-10-31
6 浏览
生日撞正重陽都仲要日頭番工忙到癲，放左工同老婆過海去老銅開飯。由於有人講左好耐想去試，結果早一星期訂檯，上到去我老婆先話個場好熟口熟面，上兩手開過另一樣野，裝修有執過改過，但個景觀同牆身顏色都仲認得出。由於係上樓私房菜，檯唔多人手亦唔多，出菜會比較慢少少，但服務都算周到。原本想叫羊扒，不過驚太太無得分就改叫牛扒，太太就叫波士頓龍蝦意大利飯。 先黎個前菜，煎三文魚再拌左ｄ醬係面，味道一流！湯就叫左個薯仔湯同海鮮雜燴，前者煮得夠長時間飲落去口感不俗，後者明顯係罐頭貨色再後加鮮蝦同帶子，明顯失色。麵包兩條加埋牛油，麵包ｓｏ ｓｏ，但牛油滑而不膩認真唔錯。主菜送上門，飯我試過一啖味道好ｏｋ，太太就話好好食，龍蝦都夠大隻夠佢食。我份牛扒有１０安士，好就好好食，不過脂肪好多，多到食到尾係有少少頂唔順．．．．甜品方面跟餐個一杯仔，細就細ｄ不過有ｄ質素；但個人認為加少少錢轉心太軟仲抵食，因為明顯大份夾好食！無開酒埋單８００，始終店仔細細＋上樓，客人轉數一定唔會多，價錢唔會太低，當然對比番個質素亦算合理。可以考慮再食，因為人少少靜ｄ舒服ｄ
由於係上樓私房菜，檯唔多人手亦唔多，出菜會比較慢少少，但服務都算周到。原本想叫羊扒，不過驚太太無得分就改叫牛扒，太太就叫波士頓龍蝦意大利飯。
先黎個前菜，煎三文魚再拌左ｄ醬係面，味道一流！
湯就叫左個薯仔湯同海鮮雜燴，前者煮得夠長時間飲落去口感不俗，後者明顯係罐頭貨色再後加鮮蝦同帶子，明顯失色。
麵包兩條加埋牛油，麵包ｓｏ ｓｏ，但牛油滑而不膩認真唔錯。
主菜送上門，飯我試過一啖味道好ｏｋ，太太就話好好食，龍蝦都夠大隻夠佢食。我份牛扒有１０安士，好就好好食，不過脂肪好多，多到食到尾係有少少頂唔順．．．．
甜品方面跟餐個一杯仔，細就細ｄ不過有ｄ質素；但個人認為加少少錢轉心太軟仲抵食，因為明顯大份夾好食！
無開酒埋單８００，始終店仔細細＋上樓，客人轉數一定唔會多，價錢唔會太低，當然對比番個質素亦算合理。可以考慮再食，因為人少少靜ｄ舒服ｄ
张贴