滿屋日本料理 (大鴻輝(荃灣)中心) (已結業)

踏進7月，又到生日月，即係又係不停食既日子啦😋😋就係6月尾既時候，上網見到滿屋既放題好似唔錯，又見到每位＋28蚊任食海膽刺身果d，所以就同哥哥決定，我正日生日要黎試。雖然訂枱既時候已經知道，＋28蚊果個只限銅鑼灣分店，荃灣係冇既，不過我地都依然繼續想試下。一坐低就緊係order刺身啦第一round 既刺身係咩都嗌。・赤蝦麻麻地，反而甜蝦鮮甜。・劍魚腩普普通通，但10年前岩岩開始識食劍魚果陣係好好食，而家到到都食唔到果種味道・油甘魚 ，帶子正 ，夠鮮有膠質・三文魚 吞拿魚 正正常常壽司 手卷款款都唔錯，好好食。 海膽手卷，海膽夠鮮，蟹膏就麻麻地，其他都唔錯，仲食左幾round 🙊 燒物 炸物蕃薯仔 到到都差唔多，唔會伏牛舌 燒得好好食，連平時唔食牛舌既媽媽都話正炸物 全部唔係好掂。 天孚羅 全部都冇味，雖然有特別既款。芝麻雞翼，又唔熱又淋榴槤炸彈 冇出面食咁香榴槤味蟹肉忌廉餅，正常之後仲有食甜品 都唔好食飲品勝在有 Hoegaarden啤酒，如果有埋解茶就正啦。整體黎講，不過不失，但同大喜屋差唔多價錢，我寧願反yoho果間大喜屋食，刺身壽司2間差唔多，但熟食呢到真係麻麻地。