新泰東南亞餐廳 (已結業)

之前一直都比較偏愛東南亞菜，bb知道我特別鐘意食，所以專登係我生日帶我去食東南亞菜。食完呢間餐廳嘅菜色之後發覺性價比真係幾高，而且價錢都唔算好貴，環境又夠舒適，好啱情侶一齊過嚟呢邊撐抬腳.泰式菠蘿炒飯，炒飯用半個挖空咗嘅菠蘿裝住，份量都算幾多，炒飯同埋啲腰果、蘿蔔一齊炒，口感豐富，而且每一啖炒飯入口嘅時候有好香嘅菠蘿味，食完個炒飯仲可以食埋啲菠蘿肉，酸酸甜甜非常開胃馬拉醬通菜，通菜嘅色澤好靚吖，綠油油。而且味道啱啱好，唔會太淡或者太咸燒豬頸肉，味道好特別，豬頸肉選嘅都係比較瘦嘅部分，所以入口唔會有肥膩嘅感覺，食嘅時候再點一啲專門調製嘅醬汁，味道簡直一流吖~！豬頸肉肉質鮮嫩多汁，拿嚟送飯真係啱曬！芒果糯米飯，真係唔知應該算佢系主食定甜品好，我個人覺得就更加偏向于甜品多啲。芒果真係好新鮮，而且唔酸好甜！糯米飯系黑糯，口感好特別。