鴻星中菜 (已結業)

今日生日, 特登放annual leave休息吓, 朝早同父母去飲茶.在銅鑼灣飲茶, 鐘意去鴻星, 因為這裡人比較少些, 唔使同人迫, 又唔會太嘈, 可以悠閒地嘆下茶, 嘆下報紙. 而且點心送來時真係好熱騰騰, 保證熱食. 因為點心真係要趁熱食先好味.金銀旦豬骨粥: 第一次食時好好食, 粥好綿, 又香米味, 食唔出有味精, 所以今次再叫. 但今次個粥就稀左好多, 因為之前有expection, 所以比較失望.流沙奶皇包: 雖然裡面的流沙餡真係好流和燙咀, 但個包的皮做得比較韌左, 唔係咁鬆軟, 而且個包有陣苦味.>< 我都係prefer叉燒包(雖然只是小點, 但我覺得仲好食.)香橙千層馬拉糕: 兩次都有食, 好清新的橙味, 而且個馬拉糕好鬆軟, 唔會做得好濕.豉油皇煎腸粉: 唔油, 好入味, 但又唔會過咸. 腸粉都好靚, 彈牙.潮州粉果: 平時我唔鐘意食呀, 因為嫌佢個皮always太厚太油, 而餡又少. 但鴻星的潮州粉果雖然只是小點, 但裡面好多餡, 而且個皮做得唔算厚, 而且好彈牙.