大喜屋 (已結業)

一直都有口皆碑嘅大喜屋，裝修後再黎食，刺身都能夠保持水準，其他日本料理選擇無以前咁多款式。但出奇地好味嘅中式食物，如海底椰雪梨雞湯勁正👍，朋友們都忍唔住飲咗3盅，豉椒炒蜆好有鍋氣，d肉質炒到恰到好處，馬拉盞炒菜又炒得幾好味，有嫩滑嘅菜質，其他都ok。最好味嘅係炸榴槤，若果喜歡食榴槤嘅你會叫完再叫😋，回味!但款式就好似無以前咁多選擇，但味道都唔錯。若定期轉換吓菜式值得再試。訂位時註明有朋友生日慶祝，送你海膽刺身。另外每位都可以選擇一款雪糕。