Running 燒 (已結業)

朋友生日想任食，呢排壓力太大，想無節制咁佞去放縱，今次揀食左韓燒放題，上網隨便搵見旺角running燒地點又就腳又咁多人話好食，就book位試下，呢度款式幾多，種類都多，連甜品刨冰都有咁先正，食完咁熱氣既燒肉，食返d冰凍既刨冰真係正，飲品都多選擇仲有韓式飲品添 ! 一坐底侍應放底幾款開胃小食比我地， 芽菜，菜苗同唔少得既泡菜，味道都唔錯! 食物肉質都唔錯一d都唔韌，調味調得幾好，牛肉豬肉都切得薄薄地，方便一燒就食得!我最愛既五花腩肥瘦適中，食落口唔會膩唔會韌，岩岩好! 牛脷都幾淋大大塊配埋醬汁一齊食都唔錯!雞翼調得好入味，少少辣好開胃! 帶子大大隻，鮮甜好味! 蠔都幾新鮮大隻，啖啖肉，其他海鮮亦唔差，怕漏可以夾埋菜一齊食，就冇咁漏 ! 豬腸味道調得唔錯，但少少韌我麻麻地啦!最後甜品刨冰我揀左士多啤梨味，有彩色珍珠，棉花糖，雪米糍加埋刨冰，有即刻解暑既感覺，溝埋一齊煙煙韌韌口感唔錯!