源興隆麵家

本身係源興隆舊客，但一段時間冇幫襯，剛好路經附近，同埋趕住叫外賣但冇咩主意，不如食源興隆名物炸醬撈粗、胡椒豬肚丸(跟米粉)、雙檸手撕雞丸。兩款獨創丸類味道保持水準，但炸醬撈粗變成豬手撈粗令人費解。

呢張外賣單係老闆親自下單及交貨俾客人，一係老闆手寫落單一刻已經寫錯，一係麵王執錯餸，但老闆只要做好最後把關就能改正，除非佢管鋪係人在心不在(同場有人堂食完叫外賣走，但老闆唔睇番手寫單唔記得嗰客叫咗咩)。無奈的是，當時源興隆堂食滿座，叫外賣嘅全部企晒出外面等，想改都改唔切。