永誠冰室

話說上次係呢間餐廳度食過個炒公仔麵，覺得味道唔錯， 於是諗住再幫襯，去到二說不說就點左個1號餐-蔥油雞扒煎蛋飯，點知就令人好失望。
個餐黎到用隻煎蛋"琴"住件雞扒，好似有少少作賊心虛咁。一睇，原來係個飯一上就得半塊飯扒(我懷疑半塊都未必有，有煮開飯既我覺得係4分1塊), 仲要係明顯地切開咁，於是我咪同侍應呀姐講，呀姐表示係廚房出既，一副無補於事，唔係我責任既樣子。我亦無追擊佢地要求换餐，費事俾廚房加料啦。
總括而言，雖然個餐都只係44蚊平價晚餐，但係一個飯餐得半塊雞扒就真係好肉酸，唔係似住有番咁上下歷史既茶記咁可以咁做生意架嘛， 唔知大家點睇呢？