極尚大喜屋 (加連威老道) (已結業)

每次行過尖沙咀見到好多人排隊，想食呢間好耐，今日男朋友就拉佢入去食地方好大，兩邊係卡位，中間就沿路直入都係方枱一張接一張獲分卡位之後，急急腳落左刺身食住先刺身款式好多，有我最喜歡既象拔蚌同赤貝其實呢碟已經係第二次點既三文魚係一概咁好反而想講我中意食既赤貝係原隻，咬落索索聲象拔蚌就鮮甜啲赤蝦比甜蝦更加甜同lim口海膽軍艦係我食放題比試食物之一果然無失望，海膽一片片，每舊都幾多，甜而唔腥另外叫左幾款創作壽司我幾喜歡海膽三色花，除左海膽既甜，仲有三文魚，吞拿魚同赤蝦，口感豐富，鮮甜又特別，一啖過食哂蝦，魚同海膽砂窩雞煲有驚喜！雞湯濃郁，仲飲得出有金華火腿味，好足料天婦羅炸得好脆，𥚃面蔬果先正，蕃薯係紫薯，淡淡既甜味，而南瓜就非常甜，唔會太硬或太軟，勁中意佢呢個南瓜質感芝麻雞翼大大隻，好多肉汁，雞肉又嫩避風糖炒蝦有兩大隻，炸到好脆，我係可以連殻食😂菠蘿無渣又超甜😋😋最後雪糕有我最愛既caramel biscuits and cream!!! 粒粒餅干架，仲有其他特別款，movenpick都有，好有誠意