潮式腸粉

潮式腸粉係我樓下開左幾年，日日都會經過，見住佢慢慢多人識仲拎埋米芝蓮，但我竟然無食過所以終於都去食喇。

家鄉粿子-豬軟骨：唔知咩係粿子，第一次食，一塊一塊咁，外型有啲似不規則既河粉但食落好似薯粉有咬口。豬軟骨無平時出面食既咁“淋”，我覺得咁樣岩岩好，好好嚼，軟骨夠爽，個人唔鐘意太淋，所以覺得好好食！

潮式腸粉：無唸過係咁大碟，同一般既腸粉好唔同，形狀係一大片咁，入面有啲菜，芽菜，蛋同魷魚等配醬料，幾香！好特別既腸粉，可以配下佢地自己整既辣醬食

😋😋2個人食超飽😋😋

潮式腸粉

家鄉粿子—豬軟骨