小甜谷 Dessert Kaffee (已結業)

在小甜谷吃過甜點多次，走過這裡，原來新店有意粉。大眾的口味，都是意粉炸魚等輕量食品，但價錢合理，百多元一份，揀了老虎蝦扁意粉， $148，老虎蝦果然大隻，開邊打開，成隻碟直徑咁大，蝦肉新鮮，用了很多香草，味道非常豐富，茄汁意粉一樣美味，份量不少，作為晩餐夠食。藍果乳酪，$42，外表得分，玻璃杯側反面現出幾塊香蕉片，有圖案感，味道調得好，新鮮果汁及北海道牛奶混合。賣單加一後$220，銅鑼灣旺區，不過份，坐得舒適，招呼都幾禮貌。