甜記餃子

营业中

休息中

今晚收工走嚟長沙灣麗新商場，同朋友去新開嘅【甜記餃子】食餃子，呢間店好大間，但係都好爆要等位，多數都係啲後生仔女，我哋坐低後叫咗香芹芫荽豬肉及西洋菜豬肉雙併清湯餃，煎韭菜豬肉餃，醉豬手，滷水牛𦟌，加多杯豆漿同冬瓜茶。餃子皮薄餡飽滿又夠香，有咬口，再點多少黑醋，更加會帶出餃子嘅鮮味，又再食埋佢哋免費供應嘅辣蘿蔔，對於鍾意食辣嘅我，簡直就係一個字：正❗️醉豬手做得好出色，我朋友係上海人都贊不絕口，滷水牛𦟌有筋有肉，我覺得點醋好食，煎餃個底脆脆啲，點啲醋又食啲辣蘿蔔，咁樣食法唔錯，但係我會比較鍾意食水餃多啲，我朋友就兩樣都鍾意，冬瓜茶好有台灣味道嘅香同做法，我哋9點零鐘埋單，仲有好多人食緊，都仲有人入緊去食，證明好食價合理先多客。