甜蜜蜜甜品專門店 (已結業)

今日心情超級唔好，工作唔順，其實都唔係好大件事，可能加上今日情緒唔係幾好，總之今日心情就唔好，自己一個去行街睇戲，經過甜蜜蜜就決定再食一個甜品，人地話食甜品心情會變好，我要食好多，我要心情變靚靚。雖然快接近十二點，但依然滿座，呢間甜品應該好出名或者好好食的吧。點souffle仲搭配一個雪糕球，souffle好松軟，食落口軟綿綿嘅，好大個，不過有少少甜，開頭食唔覺得得，食到最后覺得過甜，加埋雪糕球就更加明顯，不過雪糕香滑度唔錯，就係食完souffle后食覺得甜。榴蓮忘返都好大碗，睇嚟今晚真係點多左，榴蓮肉好大舊，都幾香，呢個比較啱我，我鐘意食榴蓮，仲有一個炸香芒，唔記得全名叫咩，感覺唔錯。