元気寿司 (遠東金融中心)

营业中

休息中

又到一年一度嘅聖誕節，天氣凍又唔想出街，打開外賣平台，就見到元氣壽司。見咁耐無食，一於叫外賣食喇。我叫佐一個特選壽司盛A $149 同埋 竹輪卷湯烏冬 $33 （1）特選壽司盛A入面有一11件壽司，分別係 兩件 帶子壽司，兩件灸燒三文魚壽司，一件蔓魚壽司，一件甜蝦壽司，一件甜蛋，一件燒牛肉壽司，兩件赤貝壽司，一件 巨蟹腳壽司。蟹腳超大件，一咬落去感覺到蟹柳既肉汁爆出黎，超juicy! 牛肉係明顯用鐵板燒過，有用心製作，唔係求求奇奇整件牛肉出黎。甜蝦除佐本身既鮮甜味，食落去仲有陣陣既牛油香味，yummy。帶子鮮味十足！蔓魚配上秘製既醬汁，味道一流！甜蛋壽司味道正常，冇咩特別。（2）竹輪卷湯烏冬一打開就聞到陣陣既昆布湯味，烏冬非常有咬感，鐘意食有口感烏冬一定要鐘意食！ 唯一缺點係湯有啲啲咸同埋唔係幾夠熱，要用微波爐叮熱，因為烏冬要熱辣辣食先好食整體黎講，元氣壽司性價比都幾高，值得一去。