御前牛盛日式涮涮鍋 (已結業)

最近食咗一餐幾滿意嘅放題，就位於旺角新城，以前係放題店，而家就變咗火鍋放題。等位都等左一陣，因為實在太多人啦！我哋人少少所以坐二人卡座，自助櫃位有好多蔬菜和丸類，我哋係咁拎，估唔到啲牛肉可以擺得咁靚，好有日本庭Feel，質素亦都好好，條紋分布好合理。湯底我哋就叫左壽喜燒，因為特別唔大而且掛住食就唔記得影相。但係個湯底其實調味唔錯，比好多火鍋店更加出色，甜甜地開胃又唔膩。我哋都好想食刺身，訂座之後加比較少嘅錢就可以品嚐刺身任食，我哋最鍾意嘅就係甜蝦同埋鮑片，啱晒鍾意甜嘅女仔！飲品櫃都有好多唔同款式嘅飲品，點都會有一款啱心水。