甜牙牙

营业中

休息中

系旺角晚饭后想揾甜品食，揾到呢间以窝夫刨冰为主嘅甜牙牙，环境唔系太大，但坐位都唔少，坐落都舒适，又唔使等位，价钱亦相当合理，拣左朱古力窝夫同抹茶心太软。热辣辣朱古力窝夫上枱，有半份朱古力窝夫，加上朱古力忌廉，鲜忌廉，朱古力雪糕，烤棉花糖，同朱古力酱，朱古力爱好者一定十分满足，窝夫外脆内软，带香甜朱古力味，最重要系即制够热，够湿润唔干，忌廉幼滑，配搭得宜。抹茶心太软，配上蓝莓，士多啤梨，大大粒软糯红豆蓉及抹茶雪糕，心太软外皮松脆，切开热辣辣流心，抹茶味道香浓带回甘，又唔会太甜，配抹茶雪糕，一冷一热，相得益彰。原来，小店都可以充满惊喜。