甜姨姨私房甜品 (清風街)

营业中

休息中

有時食甜品都想食下少少鹹嘅小食，去到天后呢間甜姨姨一定唔會令你失望，因為佢除咗有唔同款式嘅甜品之外，仲包含我哋最有名嘅港式小食。尤其是呢度最特別嘅鹹蛋黃魚蛋，雙蛋出擊！佢哋嘅鹹蛋黃醬真係好出色，非常濃郁，蛋黃味夠重，一路食甜品，一路食小食真係非常滋味。除咗鹹蛋黃魚蛋，仲有腸仔食添！腸仔仲可以揀味道，我最鍾意就係食川辣，辣得好過癮，啲醬汁好正。另外仲食咗芒果乳酪西米露，芒果都算新鮮，我食左朋友幾舊，好味，夠滑。另外我都叫咗榴槤pancake，榴槤塊皮好綠，好鮮艷，裏面嘅忌廉和榴槤非常滑溜，滋味無窮。