L'attitude (已結業)

今日約左個好耐無見既朋友仔出黎食tea，咁我地大家都係住港島西區個邊，見面之後行行下就入左黎依度，因為見依度氣氛唔錯，環境都舒服。坐底之後我地嗌左個 明太子炸軟殼蟹忌廉汁意大利麵，賣相唔錯喎，軟殼蟹炸得好脆口，岩哂我鍾意食煎炸野。忌廉汁好creamy 唔會好稀，好易有飽肚感。然後我地嗌左個炸薯條，賣相幾精致，有茄汁同沙律醬點。飲品我嗌左焦糖瑪奇朵，細細杯，唔會好苦，反而有少少甜味，我好鍾意，好快飲哂成杯。我仲嗌左杯雙色榛子冰，我比較鍾意榛子味雪糕，所以溶之前我就已經食哂榛子味個邊，最後有d雲尼拿雪糕未食哂就已經溶左，溶得好快!朋友就嗌左布優痳可麗餅，入面有香蕉﹑士多啤梨同莓，隔離有球柚子味雪芭。整個感覺好fresh，唔會甜到漏。