Passion (利東街)

营业中

休息中

和朋友於灣仔食完晚飯, 想食甜品, 剛好路過這邊, 見到甜品幾靚, 被其外表吸引, 決定坐下來品嚐。在樓下落單後, 便可以將蛋糕拿到上層搵位, 上層原來幾大, 坐位都幾多, 但都比人坐滿, 好在剛好有人走, 才有位坐。環境裝修得好有歐美風格, 又有年輕感, 微暗的燈光, 無論三五知己或兩小口子來嘆甜品暢談, 也都很適合呢, 只是坐滿人的話有一點點嘈吵。雲尼拿檸檬餅$43 - 圓碌碌有光澤感的外表, 灑有點點箔粒像太空館的星空那麼美, 咬落外層的雲尼拿蛋糕不是太甜, 淡淡的雲尼拿味, 中間夾有檸檬醬, 酸爽清怡, 兩者十分之夾, 最底的朱古力蛋糕就沒什麼特別, 用來平衡甜膩感。法式焦糖布丁$43 - 這個是即叫即製的, 所即製的是焦糖層, 喜歡它夠厚實, 咬落香脆焦糖味突出, 而底下的布丁則很綿密, 比較甜, 如果一個人食會比較膩, 而且也太邪惡了吧, 會吸取太多的糖分, 最好就有兩個人share啦。