影片
更多
2010-09-18
5 浏览
中午放工後，趕去尖沙咀跟朋友會合，朋友是個準新娘，跟她到理大側的玫瑰堂看看，因為佢想在這兒行禮。今天剛巧有對新人正在教堂門外跟來賓合照，雖然和他們互不認識，都感受到那份喜悅。朋友非常興奮，其實我比她還高興，她能找到一個相知相愛的人，確實不易。雖然小妹好鍾意幫朋友搞佢心裡面夢幻的婚禮，不過，假如是我，簡單點簽個名便可以了，當然小妹一定會以對方的意願為先，因為嫁得比佢，佢講乜我都聽啦！！朋友要跟未來老公會合，為免阻住人又...，惟有自己去食晏。本來諗住去海港城的Cova，2點幾都仲要等位，決定轉去UCC食。其實UCC都要等，不過小妹同店員講我可以坐Bar枱，咁就唔駛等。通常Bar枱都唔駛等。尖沙咀店星期六無lunch set，要散叫，諗咗一陣，我要了豆乳海鮮湯意粉、凍碳燒咖啡同芒果布甸。豆乳海鮮湯意粉 – 之前同朋友嚟，她試過。不過那時青口有兩隻，今次得一隻，裡面仲有帶子、蝦、魷魚，啲豆乳湯不會太濃，但又很夠味。凍碳燒咖啡，是其招牌，非常好。而且我可以看着那個蒸餾機蒸出咖啡，感覺再好味點。估不到最正的竟是芒果布甸，好滑但不太甜的清新布甸做底，面上是個超滑而稍甜的cream，將兩者混在一起吃
今天剛巧有對新人正在教堂門外跟來賓合照，雖然和他們互不認識，都感受到那份喜悅。朋友非常興奮，其實我比她還高興，她能找到一個相知相愛的人，確實不易。雖然小妹好鍾意幫朋友搞佢心裡面夢幻的婚禮，不過，假如是我，簡單點簽個名便可以了，當然小妹一定會以對方的意願為先，因為嫁得比佢，佢講乜我都聽啦！！
朋友要跟未來老公會合，為免阻住人又...，惟有自己去食晏。本來諗住去海港城的Cova，2點幾都仲要等位，決定轉去UCC食。其實UCC都要等，不過小妹同店員講我可以坐Bar枱，咁就唔駛等。通常Bar枱都唔駛等。
尖沙咀店星期六無lunch set，要散叫，諗咗一陣，我要了豆乳海鮮湯意粉、凍碳燒咖啡同芒果布甸。
豆乳海鮮湯意粉 – 之前同朋友嚟，她試過。不過那時青口有兩隻，今次得一隻，裡面仲有帶子、蝦、魷魚，啲豆乳湯不會太濃，但又很夠味。
凍碳燒咖啡，是其招牌，非常好。而且我可以看着那個蒸餾機蒸出咖啡，感覺再好味點。
估不到最正的竟是芒果布甸，好滑但不太甜的清新布甸做底，面上是個超滑而稍甜的cream，將兩者混在一起吃，是絕配，再加上幾粒芒果肉做點綴，太好食。小妹逐少逐少，細匙細匙咁品嘗。太得我歡心啦！恆久的幸福暫未擁有，一刻的幸福就已令我樂透。
张贴
