甜蜜蜜甜品專門店 (已結業)

同朋友係尖沙咀食完晚飯，大家好耐冇見面，意尤未盡，有人提議去食甜品，就行左去呢間甜蜜蜜！.甜品時間9點幾，等位等左陣，好彩剛好有大枱離開，唔洗等太耐就有位！.其實我都係第一次食呢間甜品，見到餐牌好多選擇，樣樣都想試，甜品真係食到幾飽都食得落架😆.相試d特色甜品，我就點左呢個炸芒果雪糕班戟，等左好耐先有得食，差不多半個鐘，可能廚房想等多d order先一次過炸！不過又值得等，因為真係好好味😍雪糕外脆內軟，口感好特別！朋友們食過都話好味👍🏼另一推介呢個名叫「綠野仙蹤」，好鐘意個名！其實係綠茶雪糕加奶凍，好好味！朋友點呢個焗黑白朱古力梳乎厘，都係推介甜品👍🏼 其他款式都很不錯！味道都好味，又足料！一班朋友飯後黎食，開開心心為聚會添上甜美的句號！