我愛慢煮 (普慶坊) (已結業)

之前去過太子嘅慢煮店食過，就想試下更好嘅～近近地去左上環呢間坐無虛席嘅慢煮餐廳。先黎一杯血橙Gin Tonic，隻色有少少粉紅色，飲落都有少少橙味，不過Gin 就少左啲啲。然後就黎左慢煮鴨髀同蕃薯條，蕃薯條新鮮炸起熱辣辣，配埋黑松露醬更加香口～鴨髀同樣都係熱辣辣做起，鴨香濃郁同埋都幾大份👍🏻👍🏻，惟調味重左少少有啲咸🤔食完鴨髀就岩岩好慢煮牛上枱啦！🤤扒有分大中小，呢份係最細份，但都夠兩個人食～牛扒食落軟腍，牛味都足，不過都係覺得偏咸左少少😮最大驚喜反而係甜品！只係三十幾蚊就有一份窩夫，窩夫係比利時果種，比較鬆化，牛油味好香好濃，配埋雪糕簡直不得之了！去到就得叫甜品試下！😍