Be Leaf (已結業)

今日同朋友去咗食下午茶，食下午茶最好就梗係食件cake啦✌🏻於是就喺社交平台度睇吓附近有咩好推介，果然俾我哋搵咗一間好正嘅餐廳，就係呢一間BE LEAF啦！一去到嘅時候，我哋就已經揀咗室外嘅位置，勝在夠chill!!坐喺啲藤椅上面，食件蛋糕，真係好有渡假嘅感覺！我哋叫咗呢個糯夫😍呢一個甜品真係好特別，就咁呢一個名就已經覺得好搞笑！而且入面係好有芒果糯米飯嘅感覺，用咗椰子味嘅雪糕，再配合埋脆卜卜嘅窩夫！真係非常有風味！而且呢度啲芒果份量都好多，仲要非常甜！另外就叫咗一個焙茶軟心巴斯克烤微焦芝士蛋糕😍呢一個芝士蛋糕出面嘅微焦香味，再加埋有少少流心嘅芝士蛋糕呢個芝士蛋糕，就咁喺口感上面都已經非常滑！而且再加咗少少焙茶嘅香味，令到整個甜品更加豐富嘅味道！