甜甜地甜品屋 (已結業)

係深水埗行到冇野做，就入左呢間甜品店食下野，hea下時間。去到先3點幾，d客人都有唔少下，不過就唔使等位。店鋪入面幾有舊時冰室既feel。坐d一陣，叫左個芒果水晶。芒果水晶（$22）呢個價錢黎講都算幾抵。底面既涼粉唔會苦，芒果也算新鮮，整體黎講就普普通通。之後食到一半，有小小肚餓，見佢有小食賣，就叫左燒賣魚蛋各一串。燒賣6蚊6粒，魚蛋6蚊7粒。燒賣既醬油係店鋪自己配製，但我食落就甜甜的，同普通甜醬油冇咩分別。魚蛋十分彈牙，配上既醬十分野味，辣得黎有好香。之後將d燒賣點魚蛋既醬汁，食落仲好味！