嘆甜品

营业中

休息中

朋友甜品癮又起，所以去左粉嶺既嘆甜品食，佢款式夠多，岩哂我！首先係叫左2個下午茶餐，法式焦糖燉蛋滑溜溜，焦糖脆面香甜，雪糕襯托出濃郁蛋香，食落滿足感爆棚。 私心推介一定要食心太軟，佢既流心朱古力做得好好，豆腐雪糕清新解膩，甜而不膩，啱晒朱古力迷。2個餐都送飲品，我地揀左白桃乳酸同益力多乳酸，再額外叫多杯益力多冰沙，3杯都清甜，帶微微乳酸感，岩晒依家咁熱既天氣！另外，我地仲叫左開心果奶蓋窩夫，佢外脆內軟，加埋麻糬，口感層次豐富，開心果醬配上脆脆既窩夫，配雲呢拿雪糕真係完美！ 芒果飄雪佢既芒果味濃郁，雪花冰口感細滑，夏天必試！最後，開心果西米露開心果香氣十足，西米煙韌，整體味道有驚喜。整體嚟講，嘆甜品無論想下午茶黎食，定係飯後甜品，都亦都可以選擇！佢仲有小食可以order, 下次一於再黎試下！