蘇杭冰室

营业中

休息中

朋友講旺角新開了間叫蘇杭冰室有主食又有甜品味道不錯就約朋友來吃，一落車好快就到幾方便，裝潢舒服而且坐4人位都不迫幾好，餐牌選擇真的不少，我和朋友左想右想最後決定食2個主食，甜品和飲品，勁飽肚又滿足。 中式碟頭飯 : 蔥花滑蛋三拼飯，有牛肉，蝦同义燒，份量不少。蛋好滑又有蔥香，入面白飯口感好味配上少少豉油一起食真的不錯，最後再叫了一個外賣給另一位朋友。而我就要了西式 : 意大利蕃茄汁海蝦意粉，蝦好爽口而且蕃茄汁好香又濃，意粉不少而且保持到彈牙。 甜品有期間限定宇治抺茶梳乎厘班戟就叫一個，蛋味都濃而配上忌簾一起食不錯，配料仲有大粒紅豆和抺茶醬。火焰雪山整得幾靚，入面的朱古力好濃配上蛋糕同蛋白一起食岩岩好。叫了主食加$20可叫，香桃烏龍茶和滿滿水果茶，味道幾濃甜甜的仲有不少新鮮生果。