韓舍 (已結業)

約埋一班同學一齊去食韓燒，同時因為聽過個爐好特別，所以去韓舍（但最後發現原來係伏）。入到去首先嘅感覺就係環境唔錯，不過唔知係咪因為通風系統一般，所以一直都有陣“窿”味。Bar度有自助形式肉類比你選擇，種類尚算多，但係好咸。魚扒係雪藏嘅，唔新鮮亦冇乜味，牛肉好老，又好咸，豬肉味道還好，但唔建議燒，下面講點解。。熟食就只有豬腳姜我覺得ok，其他有飯同粉，但講真，兩百幾蚊任食，點會攞飯啊。韓燒就梗係燒野咖啦，不過最大問題係，佢個爐熱力嚴重不足，搞到每塊扒都好要好耐時間先整得熟，even蔬菜類都唔多夠熱。20分鐘可以比全台人燒到4塊扒，每人一塊，試問點夠食呢。。。好彩嘅係我地可以去攞壽司，最後變左食壽司放題，魚生方面因為太多人排隊，所以都係算罷啦，食壽司飯飽肚。因為冇乜主食關係，我地轉攻甜品，甜品算係還可以，當然唔及甜品鋪，但係有總係好過冇。然後，suppose 2個鐘嘅放題，8點入座9點就叫埋單同開始催。。。因為個經理態度好差咁不斷催促，一個半鐘就走左了！！總結就係，韓燒應有嘅肉類因為個爐慢同埋得個半鐘嘅關係，基本上食得好少。。我地又唔想食咁多飯，所以比左$22x之後全晚基本上係食唔飽的，要