麻辣風雲 (已結業)

之前 我都食過麻辣風雲🌶不過係食佢哋各款嘅招牌菜 例如係水煮魚🐟同埋水煮牛肉🐮等等 反而冇食佢哋好出名嘅炸饅頭同埋其他小食🙈🙈所以今次就專攻其他食物 睇吓係唔係都係咁高質素先🫢🫢🫢椒鹽魷魚鬚👉🏻🔥🔥🔥🔥(4/5)糍粑👉🏻🔥🔥🔥🔥🔥(5/5)炸饅頭👉🏻🔥🔥🔥🔥(4/5)炸饅頭好好食喎…我都唔明點解我而家先係第一次食囉😯饅頭嘅外層金黃香脆 不過內𥚃就鬆軟 綿密👏🏻👏🏻新鮮炸起熱辣辣嘅炸饅頭 配上佢哋嘅煉奶 仲有其他特色醬料 冷熱交融嘅口感真係好幸福🥹🥹⚡️十分推薦比大家👍🏻👍🏻👍🏻👍🏻糍粑我又係第一次食…好好食😋其實我真係好鍾意食甜品㗎 特別係呢啲平時比較少見又充滿特色嘅甜品🤪🤪糍粑好脆 但係入面又好軟糯 甜品來講真係好出色😆😆不過建議要即叫即送到即食 唔係佢表面個陳皮可能會淋左就冇咁好食😅咁就浪費哂🙈🙈食咗咁多甜野就梗係要食返啲鹹嘢啦 椒鹽魷魚鬚嘅魷魚鬚條係好大條 外層嘅炸粉唔算好厚 食嘅都係啖啖魷魚嘅肉 同埋魷魚肉好煙靭👍🏻👍🏻好有咬口但係唔會好難咬斷👏🏻呢個都好食！冇諗到呢度嘅小食同埋甜品都咁出色 睇嚟下次都係專攻甜品🤣🤣🤣🤣不過要搵埋朋友一齊嚟先得 咁先可以食多幾款㗎嘛😝