法國鵝肝專門店 (已結業)

睇完上星期"日日有食神"的鵝肝後, 口痕痕星期六走去搵呢間鵝肝專門店試試, 原來呢間好多中環的上班一族o黎講都好出名, 好多人lunchtime 都o黎呢度買鵝肝三文治, 當日諗住去tea, 試下呢度既甜品, 不過得幾款揀, 我點了一個Floating Island & Creme Brulee, 前者係打起o左既蛋白浸住一些生果加吉士汁, 另一款係法式燉蛋, Creme Brulee 只可在堂食, 我認為佢呢個糖面比較厚, 所以幾漏, Floating Island 無乜特別, 如果呢度加多幾款cheese cakes 會更加吸引呢!!臨尾當然唔少得打包一個鵝肝三文治外賣啦, 一截長法包加生菜和鵝肝, 鵝肝幾鮮味但真係唔多夠食呢, 做lunch 一定唔夠飽呀!! 順帶一提呢度既咖啡唔錯, 我覺得呢間既用料好有法國風味, 老闆好殷勤, 下次去試下呢度既私房菜先: P