新沙洞澡堂 (已結業)

朋友上次嚟食晚飯，今次食下午茶先。環境以韓式澡堂，牆邊都有花灑，趣味十足。同場都有三隻狗狗🐶，有寵物嘅朋友又多個pet friendly 餐廳選擇。High tea set $338🥪🧁價錢真心性價比高，粉紅色下午茶架好少女💓。下午茶包有16件鹹甜點同埋兩杯飲品。最頂層有兩件迷你cruffle，可配有tiramisu同煉奶花生醬，非常脆，自己點醬可控制甜度。兩粒macaron唔會好甜。士多啤梨撻士多啤梨甜度剛好。抹茶撻都好滑，配紅豆相當夾。朱古力香蕉撻就略為甜了小小，底部好多香蕉蓉。每款兩件的鹹點有三文魚同碎蛋撻，啱晒胃口，撻皮夠脆。一杯飲品🏔️雪嶽山： 外貌真係好似雪山咁好靚，味道係忌廉溝鮮奶，好解渴。🍊西柚梳打特飲：酸酸甜甜，好清涼。Tiramisu $58賣相超吸引😋食落croffle香脆，tiramisu味好濃。croffle 上的cream 好滑。法式焦糖燉蛋 $58呢個配搭真係好新鮮，上面嘅焦糖燉蛋好滑。炸雞$88 蒜蓉豉油半份，呢個份量好，每人2-3 件，粉漿略厚，不過炸得好脆。